Todai (已結業)

今日一行十四人去食自助餐，入到去佢地帮我地安排坐一围圆桌。但系实在太逼啦，于是有五个人分开坐。如果系超过十个人既，最好预先同佢地讲话分开两围，唔系既会帮你地坐哂一围。食物方面，有寿司、沙律、烧牛肉、天妇罗、其他热食。仲有即炒意粉同粉面类。寿司都几新鲜，烧牛肉都唔错。个即炒意粉系忌廉火腿意粉，佢地系将一碟意粉分为四小碟，但忌廉味唔算太浓。都系咁上下。虽然系午餐，但都会有青口食。而即食粉面有喇沙、拉面、云吞面等啦。汤底通常比较淡。甜品就好多种啦，有各种既芝士蛋糕、布丁、雪糕等。我最推介既系焦糖布丁，面层既糖胶好正，个布丁又好滑，每次都会食既。佢地既甜品通好细份，可以一次过食哂咁多种甜品。椰汁糕就好重椰汁味，提拉米素就唔错啦。蛋糕既甜品通常都唔错既。雪糕最好食就系绿茶味，因为好有茶味，而且我都唔会成日食。整体上，虽然食物系好大路，但甜品就好有创意同次次有惊喜既。实有下次架。