鳴越越式料理

营业中

休息中

喺港岛呢啲地方，要揾间价钱合理啲嘅餐厅都唔系一件容易嘅事..是日去左上环，想平平地揾间餐厅食下，就揾到呢间食越南粉嘅地下铺～餐牌选择都几多，我同朋友想食得清啲，一人嗌左一碗汤面，其中一碗转左做套餐（包一杯野饮+小食）生牛肉汤河—超级大碗，非常足料！牛肉呈粉嫩色，口感软腍；再配埋新鲜嘅葱粒，令整碗面嘅香味提升🆙鸡丝汤檬— 好欣赏佢地嘅汤底，饮得出唔系用盒装鸡汤，唔油腻，十分清甜。鸡丝份量亦好多，虽然碗面望落平平无奇，但都几有惊喜架✔️小食嗌左越南春卷，炸得几香口，里面仲有啲萝卜丝，味道不错～估唔到喺上环都会揾到间平价又好味嘅餐厅，lunch hour谂唔到食咩 去食佢就啱哂喇～👍🏼