麻辣串串香 (已結業)

九龙湾新食力牛下新城，开业不久，商舖九成未租出，但主打美食广场却全部入伙开晒档，眼见7,8间小档以卖小食、饮品为主，呢间重庆酸辣粉系其中最有晚餐feel嘅档口之一。咁未食晚饭就不如试下招牌大碗酸辣红薯粉，堂食虽然都用外卖盒，但估唔到几足料……鱼蛋、墨丸、猪红、生菜、猪皮、花生、肉碎、酸菜、生葱样样有啲，够食得嚟又好入味，尤其系红薯粉烟烟un un，好有咬口，今次点选BB辣，都唔会无理闻味。大大兜盛惠$48，比街边车仔面略贵……回到家里，就感到非常口渴，始终食浓味嘢都系咁，惟有狂队冰水！