金利來食坊 (已結業)

寻晚同女友黎左呢度食晚饭, 记得上次特登同佢黎呢度试, 点知大排长龙, 冇瘾咁走; 于是今次决定早d去!七点几去到唔使等仲有位, 仲可以拣有电视边坐, 一早都知呢度d野大碟兼好味, 本来谂住两个人叫两个, 点知最终我地都叫左三个!我地叫左蒜蓉粉丝蒸扇贝, 香橙牛柳同埋脆炸大肠拼京都骨! 蒜蓉粉丝蒸扇贝明明个餐牌写有六只, 点知黎到发现有七只, 又赚多只, 扇贝好新鲜, 都算大只有肉食架, 而全只扇贝上面系粉丝同埋蒜蓉, 粉丝超入味超好食, 而蒜蓉都系超多, 连一向唔钟意食蒜蓉我都食左唔少, 我谂我都杀死左唔少细菌, 好正! 香橙牛柳本来系香橙牛仔骨, 落单时问佢改牛柳得唔得, 佢话冇问题, 于是咪要牛柳, 贪佢冇骨嘛, 牛柳好松唔干身, 而且仲有好香橙汁味, 同埋仲有新鲜橙肉, 好开胃同埋好味; 脆炸大肠拼京都骨又系得㖞, 大肠系炸得好干身但系好脆, 点d酸甜汁就令到佢冇咁干, 而京都骨又系得㖞, 酸酸甜甜又系好开胃, 而且肉质好松, 送饭真系一绝, 搅到我都要左碗白饭! 碗白饭大碗到好似两个人份量咁, 我一个人都食唔晒呀!要多左两罐汽水, 汽水都唔贵㖞, $5一罐就一d都唔过份, 埋