新星海鮮酒家 (已結業)

同公司同事饮茶，黎黎去去都系附近𠮶几间，佢地开始觉得闷，所以就提议行远少少，试吓鹅颈桥底o既「新星海鲜酒家」，因见门外广告牌上午市都好多特价菜式及套餐优惠 。「新星」系一间好典型o既港式酒楼，地下为接待处，行上楼梯则为餐店大堂。午饭时间，散座o既食客大多都一边叹茶，一边睇报纸，店内工作o既都似乎系老伙计，健谈又熟练。会计小姐同靓仔经理一早到步，叫好点心，似乎亦已同几位楼面叔叔做咗好朋友添 。 椒盐鱿鱼须：鱿鱼须炸得好香脆惹味，最紧要系唔会食到成口油，大大碟二十蚊有找，净睇份量都觉得抵食 ！ 原虾烧卖皇（$17.9）：烧卖味道较清，明显地虾胶比肥猪肉多，食落爽口健康，但个人都系钟意食返传统𠮶只多啲。 荷香棉花鸡（$17.9）：棉花鸡则较咸，幸好鸡胸肉唔嚡又唔干，睇在价钱份上都算系合格 。 韭黄鲜虾肠（$18.9）：虾肠系几款点心中最好味o既一款，肠粉软滑，虾只爽脆，独立分成细细件，更方便客人食用，绝对系必吃之选 ！ 瑞士汁肥牛炒河（$39.9）：河粉转用上瑞士汁及肥牛炒制，可以话系干炒牛河o既升级版 。用咗瑞士汁炒o既牛河干身、软滑、甜美，加上薄薄o既肥牛肉味香浓，