新森林焗之專門店

营业中

休息中

因为工作嘅原因成个星期都会喺湾仔同铜锣湾中间岀没，咁每日做嘢最紧要就系有餐饭食，行行下见有间食焗饭，五十几蚊就有一大碟饭，睇落唔错就决定咗系呢间。餐牌上有成二十款焗饭，岀奇地仲有素肉添，不过就对素肉呢样嘢冇乜兴趣，我觉得如果你系谂住食素咁点解要去食啲模仿肉嘅嘢，有种本末倒置嘅感觉。我因为好肚饿嘅关系最尾决定咗嗌个经典鲜茄大胃皇饭。个焗饭唔驶等好耐就有得食，望落虽然唔系特别吸引，但系闻落好香，而且都几大份，肉有四种，分别系猪扒、鸡肉、汉堡扒同脆皮肠，每一款都好大份，而且咬落去都好松软同入味，茄酱嘅味亦都好浓郁，非常开胃。平心而论，系咪超好食？唔系，但系呢个价钱嚟讲叫做非常抵，比起大家乐嘅焗饭好食几倍。