影片
更多
2017-06-14
61 浏览
台式打边炉今次真系第一次试，好彩有侍应哥哥帮手讲解下，唔系都唔知点拣！落单，火锅当然系汤底最重要啦，呢到有白肉锅、海鲜锅，都有成十种汤底拣，侍应哥哥推荐三杯鸡同埋台式牛肉锅汤底，咁钟意食牛肉面嘅我梗系拣牛肉锅汤底啦。而除咗任叫嘅火锅料之外，佢仲有啲肉类同2 set食物畀你拣，一set系贵气啲嘅食材，一set系台湾夜市食物，好似系卤水嘢多。比较之下，另一set有几样黑松露饺，所以拣佢！食物方面，个前菜真系要一赞，个麻辣鸡唔鞋口又够味，个黑木耳都好香，我同同行友人都encall咗一次！肉方面叫咗黑毛肥牛同埋猪颈肉，个人喜欢猪肉多啲，入口即化，肉味几够！牛就韧身啲，厚咗啲，要咬多几下先得。至于「炸物」方面都几好，啲鱼皮好大块！而且都炸得几香，滚耐咗都唔会变软皮蛇，好味！而响铃都系加大码，一条可以当2条食！不过讲加大码，呢个都只系开始，佢哋嘢饮先惊人！佢哋有台式嘢饮叫，好似我老婆叫咗个蛋糕奶茶，劲大杯，系平时台式饮品店加大码嘅size，味道都几好！除咗台式嘢，佢有汽水系列，我要咗个七喜巨蜂提子沙冰，佢会有个架倒转支汽水插入去，好得意！而呢个沙冰都系好推荐，个味好夹！熟食的话，首推有「黑松露」字
食物方面，个前菜真系要一赞，个麻辣鸡唔鞋口又够味，个黑木耳都好香，我同同行友人都encall咗一次！肉方面叫咗黑毛肥牛同埋猪颈肉，个人喜欢猪肉多啲，入口即化，肉味几够！牛就韧身啲，厚咗啲，要咬多几下先得。
至于「炸物」方面都几好，啲鱼皮好大块！而且都炸得几香，滚耐咗都唔会变软皮蛇，好味！而响铃都系加大码，一条可以当2条食！不过讲加大码，呢个都只系开始，佢哋嘢饮先惊人！佢哋有台式嘢饮叫，好似我老婆叫咗个蛋糕奶茶，劲大杯，系平时台式饮品店加大码嘅size，味道都几好！除咗台式嘢，佢有汽水系列，我要咗个七喜巨蜂提子沙冰，佢会有个架倒转支汽水插入去，好得意！而呢个沙冰都系好推荐，个味好夹！熟食的话，首推有「黑松露」字头嘅食物，好好味！个蟹柳都系加大版架。
总结的话，呢到好多食物、饮品都系加大码，啱哂大食人士！如果你「好饮得」，去亲打边炉都会叫好多转饮品，呢到都好适合！最后仲有甜品呀~
张贴
