影片
更多
2020-10-14
308 浏览
天气终于凉返少少😍，好舒服，秋风气爽就梗系要打边炉啦！我同朋友见喺Openrice订位「大笪地花胶鸡」，有得以$99试半只花胶鸡汤底🐔，所以就去咗。星期六嘅晚上果然热闹👏，好彩订咗位。环境唔错，装修行麻甩大笪地风，实则干净企理。餐厅用上大圆木枱、黄橙櫈、黑白地砖同街市灯罩，别具特色！另外，餐厅冷气劲冻，都好嘅，打边炉滚下滚下就热。我哋叫咗一个锅底同五款配料🥢，全部都高质。我同朋友表明心迹，其实我对鸡同花胶兴趣都不太大，因为要噒骨🙈。幸好我和盘托出，原来大家谂法一样🤣，所以我哋叫咗另一款特色汤底：胡椒萝卜牛腩锅($138)。特式汤底贵啲要一百蚊起，但另外亦有较平嘅选择！汤底超正的，胡椒味浓郁，但未会抢喉，冬天饮的话一定劲保暖😌。可能无猪骨或者鸡嘅关系，就算食到尾段，汤底亦无一层层嘅肥油，抵赞。胡椒汤无论净饮定用嚟打边炉索汁都无得输，点解可以咁正㗎🤤？汤底劲足料，就如名称所属，有萝卜同牛腩。留意番份量系非常多，根据我哋嘅非正式统计，🐮牛腩条有成18条，劲夸张😳，仲要每条都大大条，个样劲靓。牛腩位置可能系坑腩，唔会有太多肥筋，肉质亦唔韧。萝卜都好入味，不过唔可以滚太耐，因为会粉碎。爽脆牛胸爽
天气终于凉返少少😍，好舒服，秋风气爽就梗系要打边炉啦！我同朋友见喺Openrice订位「大笪地花胶鸡」，有得以$99试半只花胶鸡汤底🐔，所以就去咗。
星期六嘅晚上果然热闹👏，好彩订咗位。环境唔错，装修行麻甩大笪地风，实则干净企理。餐厅用上大圆木枱、黄橙櫈、黑白地砖同街市灯罩，别具特色！另外，餐厅冷气劲冻，都好嘅，打边炉滚下滚下就热。
我哋叫咗一个锅底同五款配料🥢，全部都高质。
我同朋友表明心迹，其实我对鸡同花胶兴趣都不太大，因为要噒骨🙈。幸好我和盘托出，原来大家谂法一样🤣，所以我哋叫咗另一款特色汤底：胡椒萝卜牛腩锅($138)。特式汤底贵啲要一百蚊起，但另外亦有较平嘅选择！
胡椒萝卜牛腩锅
$138
13 浏览
0 赞好
0 留言
汤底劲足料，就如名称所属，有萝卜同牛腩。留意番份量系非常多，根据我哋嘅非正式统计，🐮牛腩条有成18条，劲夸张😳，仲要每条都大大条，个样劲靓。牛腩位置可能系坑腩，唔会有太多肥筋，肉质亦唔韧。萝卜都好入味，不过唔可以滚太耐，因为会粉碎。
爽脆牛胸爽($128)，之前见人介绍话好食，我哋又试下，印象中无食过牛嘅呢个部位。卖相唔吸引🙊，白色部份占咗块肉嘅八成位置，无乜红肉，就咁睇会以为系肥膏。
其实牛胸爽系胸腔肋骨附近嘅软骨🦴，店员介绍只要渌十几秒就食得，口感爽脆特别。
美国肥牛
$78
17 浏览
0 赞好
0 留言
肥牛性价比高，🥩份量又多㖞，有约十片，唔驶争食！牛肉每片大大片，并非薄切，牛味同脂肪分布都唔错😋。
蟹籽墨鱼滑
$78
19 浏览
0 赞好
0 留言
豆苗
$40
10 浏览
0 赞好
0 留言
手打乌冬($22)，本身惊唔够饱所以嗌定，点知食肉都食到饱哂，哈哈。不过都仲食得落，🍜乌冬唔系平价货，系超市见到都要卖十蚊以上一饼𠮶啲。面条扁身，口感烟韧Q弹。
樽装汽水($10/枝)，火锅店卖十蚊一枝樽装汽水真系算良心价吧💕。原来Zero都有樽装！
酱料费($12/位)，大小同价，一入座时店员会为客人送上酱料架，有干蒜、蒜蓉、葱花同辣椒🌶️畀你自行混酱。由于汤底有味，捞完我都无点过😆。
餐牌设计精美，图文并茂，收费项目清晰👍。
餐厅除咗火锅外，亦有多款餐前小食提供，例如麻辣皮蛋同椒盐豆腐等。店员推介海鲜套餐🐟，但今日无乜意欲，加上价钱亦稍贵。
不过海鲜应该新鲜嘅✨，因为厨房门口有大大个鱼缸养住生猛海鲜，唔怕你质疑！花甲贝类𠮶啲唔算贵。
餐厅好细心，有提供靓靓信封套俾客人放口罩😷。
总括嚟讲，虽然餐厅名物系花胶鸡，但我食嘅胡椒萝卜牛腩锅同样出色，啱哂牛魔王😈，下次再嚟我毫无悬念地会再嗌呢款。打边炉最重要嘅嘢佢都做得好好，就系汤底惹味同配料新鲜，收费亦合理。店员们服务都唔错，友善、有礼貌，叫加汤时好快应机。🍲大笪地值得推介🌟！
张贴
