金滬庭京川滬菜館 (已結業)

东荟城食肆唔多，但就有一间高质素既上海菜。午市套餐，拣一𩠌，配饭或担担面，送豆浆或例汤。拣左糖醋鱼柳同埋回窝肉。所有野都大大份，觉得糖醋鱼柳好食d, 够甜又够酸，而且炸得好香口。回窝肉就无乜特别。担担面同例汤都好大碗，5个人都够分。花雕醉鸡。冷盘够冻，而且酒味够浓够入味。可惜鸡肉鞋左少少，如果唔系就完美。炸银丝卷。新鲜炸起，外脆内软，唔错生煎包。等左都几耐，因为即叫即煎。警告大家小心食，因为一咬汤汁会爆出黎。入面肉饀大旧，足料。小笼包。呢个小笼包绝对唔小，系香港食过最大既，起码系平时既2倍。Size大唔系因为皮厚，而系多汤汁! 小心夹起无夹穿，汤汁多到好似灌汤饺甘，一流!值得推介