餃子屋

营业中

休息中

呢一间饺子屋🥟相信大家都已经听过好多次，但系咪个个都咁好彩可以食到🤣因为我成日行过都系超级无敌爆多人，所以每一次行过想食都局住放弃😅难得休息喺平日下午时段，啱啱去到就即刻有位错，虽然讲紧下午时段，但系都系座无虚席，证明呢间餐厅真系好受欢迎，更加要试吓！讲明我哋系第一次食，本身都觉得应该冇乜特别？点知一上到枱嘅时候就见到啲饺子拳头咁大粒👊🏻😂入边非常足料！唔怪之得长期咁多人！因为计返佢每只饺子嘅大细，真系性价比极高👍🏻🍴拼盘饺子 — 传统四拼(韭菜、白菜、椰菜、芹菜)见到有唔同菜组成嘅饺子，梗系要试吓😜呢个拼盘每款有两只，咁我同𝐌𝐑.𝐉就可以一人一只试到四款味道。当中我好钟意食韭菜同椰菜味道，反而可能因为个人口味，芹菜就一般般了🍴拼盘饺子 — 风味三拼(粟米/香菇木耳鸡肉/三色椒)呢一个拼盘入面三款味道除咗粟米，另外𠮶两款都系出边比较少见～当中香菇木耳鸡肉味道虽然不过不失，但系佢入边嘅肉汁真系非常多，劲𝐣𝐮𝐢𝐜𝐲💦粟米同三色椒确实惊喜到我哋，清甜得黎、三色椒又有爽口感🫑*嗌饺子佢会附上一碗汤🥣饮落非常清甜，唔会有味精味，味道好似鱼汤，配搭饺子非常好味😋*除咗有汤之外，佢仲会有埋一小碟菜脯