影片
更多
2010-10-01
3 浏览
早排，邮差派咗沾仔记单张俾公司，我一于睇吓！无意中知道中环区有抵食粉面店，揾日试吓！终于，揾到今时今日去试！睇吓 Menu ，只得几个配搭！单并、双并、及三并。以牛肉、鲮鱼球及云吞；面、河粉、米粉。但系唔好睇少，原来仲系荣获米芝莲 2009 & 2010 推介！ 我对牛肉有皮肤敏感，所以只好叫其余两款！鲮鱼球云吞河 (走葱) $22 + 豆浆 $6当店员将碗河摆上枱，我见到两粒超大嘅鲮鱼球， 哗！仲大粒过山竹牛肉少少，真系好惊喜！ 食落又唔系想像中咁腍席席，弹牙架！亦唔少得陈皮粒，甘香扑鼻！云吞细少少，将近乒乓波咁大粒，入面有两、三只虾，落足本呀！虾爽身之余，仲去埋虾肠！感觉卫生！食得滋味！河粉幼身，又白又滑；食到尾都依照一条条唔会断开哂！难得揾到有番咁上下嘅好质地河粉！唯一缺点系俾4 粒大嘢压住，比较难夹！至于汤底够清兼少油，亦唔会令河粉唔够味！我叫豆浆嘅时候，无为意系杯抑或支装；无谂到 $6 系1支豆浆！算几浓，又唔会太甜！呢餐真系好抵食！不过，我发觉呢度好多匙羹都崩咗少少， 楝咗起码5~6 只先揾到只完整无缺，大家下次帮衬留意呀！
终于，揾到今时今日去试！
睇吓 Menu ，只得几个配搭！单并、双并、及三并。以牛肉、鲮鱼球及云吞；面、河粉、米粉。但系唔好睇少，原来仲系荣获米芝莲 2009 & 2010 推介！
我对牛肉有皮肤敏感，所以只好叫其余两款！
鲮鱼球云吞河 (走葱) $22 + 豆浆 $6
当店员将碗河摆上枱，我见到两粒超大嘅鲮鱼球， 哗！仲大粒过山竹牛肉少少，真系好惊喜！ 食落又唔系想像中咁腍席席，弹牙架！亦唔少得陈皮粒，甘香扑鼻！云吞细少少，将近乒乓波咁大粒，入面有两、三只虾，落足本呀！虾爽身之余，仲去埋虾肠！感觉卫生！食得滋味！
河粉幼身，又白又滑；食到尾都依照一条条唔会断开哂！难得揾到有番咁上下嘅好质地河粉！唯一缺点系俾4 粒大嘢压住，比较难夹！
至于汤底够清兼少油，亦唔会令河粉唔够味！
我叫豆浆嘅时候，无为意系杯抑或支装；无谂到 $6 系1支豆浆！算几浓，又唔会太甜！
呢餐真系好抵食！
不过，我发觉呢度好多匙羹都崩咗少少， 楝咗起码5~6 只先揾到只完整无缺，大家下次帮衬留意呀！
张贴
