影片
更多
2019-09-08
1668 浏览
旧同事同我介绍过尖沙咀有间高质嘅甜品舖，佢话佢由元朗舖食到而家，我上网睇过啲相又真系几靓😍。呢日因为同朋友庆祝生日，所以终于揾到个好机会嚟试下喇。我早一日有打电话去book定枱同预备生日牌🎂，女店员劲有礼貌同清晰覆返我。本身book咗1点，但我迟到所以打比餐厅改迟啲点半到，女店员叫我唔使急慢慢仲话帮我改1点9，劲细心☺️。舖头位置劲方便，尖沙咀站A2直出2分钟就系。餐厅喺3楼，舖头唔算超大，装修都几colourful🌈，仲用好多钮做装饰衬返餐厅主题。我哋首先一人叫一个lunch set先，我就叫咗糖钮海南鸡饭🐓(配清鸡汤)($80)，个鸡汤就正常啦，但唔够热扣咗少少分。到海南鸡饭喇，个碟超大，饭同鸡份量都唔少。味道唔错，鸡肉好滑，配啲酱几惹味，油饭虽然唔系好浓但几正，唯一要弹就系萝卜青瓜各得一条，少咗啲！朋友就叫咗奇珍香草烧春鸡伴薯角🐔🥔($78)，上碟几靓同埋劲香，一开始望落同闻落好似好热气，但切开只鸡之后发现系劲juicy💦，正呀抵赞👍🏻，肉亦都唔鞋，不过唯一要弹又系薯角份量太少喇！呢个餐就可以拣餐汤或沙律，佢要咗汤，系南瓜忌廉汤，就无乜特别，比较稀。两个Lunch Set都有配杯花
我早一日有打电话去book定枱同预备生日牌🎂，女店员劲有礼貌同清晰覆返我。本身book咗1点，但我迟到所以打比餐厅改迟啲点半到，女店员叫我唔使急慢慢仲话帮我改1点9，劲细心☺️。舖头位置劲方便，尖沙咀站A2直出2分钟就系。
餐厅喺3楼，舖头唔算超大，装修都几colourful🌈，仲用好多钮做装饰衬返餐厅主题。我哋首先一人叫一个lunch set先，我就叫咗糖钮海南鸡饭🐓(配清鸡汤)($80)，个鸡汤就正常啦，但唔够热扣咗少少分。到海南鸡饭喇，个碟超大，饭同鸡份量都唔少。味道唔错，鸡肉好滑，配啲酱几惹味，油饭虽然唔系好浓但几正，唯一要弹就系萝卜青瓜各得一条，少咗啲！
朋友就叫咗奇珍香草烧春鸡伴薯角🐔🥔($78)，上碟几靓同埋劲香，一开始望落同闻落好似好热气，但切开只鸡之后发现系劲juicy💦，正呀抵赞👍🏻，肉亦都唔鞋，不过唯一要弹又系薯角份量太少喇！呢个餐就可以拣餐汤或沙律，佢要咗汤，系南瓜忌廉汤，就无乜特别，比较稀。两个Lunch Set都有配杯花茶，几好饮。
食完午餐就到主角出场喇，我同店员打个眼色👀，佢就完全知道要上甜品喇，仲劲细心拨一拨个冷气风口位等蜡烛🕯️唔会吹熄，喺到庆祝生日真系超好，因为有超醒目同窝心嘅店员，唔会被轻易拆穿XD。加上呢到嘅甜品超靓😍同好好食😋，别出心裁，款款都系自家制，劲特别，出面唔会食到！！！果然系做甜品起家👍🏻👍🏻👍🏻。
大糖钮特选拼盘
$238
34 浏览
0 赞好
0 留言
大糖钮特选拼盘($238)，生日牌加蜡烛(+$10)，包括餐牌内5款主打甜品加3款神秘甜品，每样细细哋，但又未到一啖无咗，超好可以一次过试哂咁多种🤤。应该系老板/大厨👨🏻🍳嘅人帮我哋影完相之后，就同我哋逐一介绍每款甜品系啲乜，边样浓啲淡啲，应该食边样先咁。但有成8款咁多，都记唔得哂🙈，所以食嘅时候会有蒙眼试食嘅感觉，要食真啲系乜味。另外伴碟有好多用朱古力整嘅衫钮👍🏻，有心思。
15 浏览
0 赞好
0 留言
首先第1样我哋食咗热嘅富士苹果挞(即系苹果金宝)先🍎，配上云呢拿雪糕🍦，又冻又热好正，金宝脆脆好脆，加上啲苹果肉好好食，印象中肉桂味唔会太浓。上面仲有个珊瑚造型嘅装饰。
第2样食先就系微暖嘅神秘甜品，白/黑松露芝士蛋糕🍰，个样系睇唔出的，因为上面有啲爆珠同桃嘅果肉🍑(好似系)。下面嘅芝士蛋糕暖暖哋，我觉得个口感其实似面包布甸多啲，最特别系佢咸咸哋同劲香，可能系松露嘅关系啦。
18 浏览
0 赞好
0 留言
第3样食就系加细码柚轮🍋(蜜柚芭菲拿破仑)，呢个好靓呀，个拿破仑系车軚形状㗎，几脆几好食，而个蜜柚雪芭定mousse都几大嚿下，同埋食落好清新，唔会太甜，冰冰凉凉，完全唔腻，好正呀😋。
11 浏览
0 赞好
0 留言
上面呢3样系我最钟意食嘅甜品，一开始就食咗🙈。之后第4样就食呢个粉红色嘅甜品喇，冰镇玫瑰荔枝炖蛋。上面仲有一个应该系酥皮做嘅玫瑰花，厨师👨🏻🍳叫我哋整碎去一齐食。个炖蛋又几好味㖞，texture似炖蛋，但就无乜蛋味，因为比玫瑰味🌹遮盖咗，不过几正，玫瑰味唔会太假。
下一样第5样就系食个黑芝麻蛋糕，上面两层米白色嘅系都系差唔多口感，但唔系好记得咗系乜味🙈。黑芝麻嘅味道比我想像中好，因为我本身唔钟意，佢唔会太浓好似芝麻糊咁，呢款亦系神秘甜品之一。
11 浏览
0 赞好
0 留言
之后食𠮶三样就系比较浓味嘅，厨师👨🏻🍳建议我哋最后食，第6样食嘅就系呢个有个🍄菇菇造型嘅甜品小糖钮，下面系橙味嘅炖蛋，个蛋都真系几浓香橙味🍊。而最特别都系粒菇菇，像真度超高，上面系蛋白脆饼，下面个菇椗就系用mousee做，白朱古力加松露整成，超香呀，I like it😍。松露做甜品真系好正。
第7样食嘅又系神秘甜品嚟，用牛奶樽仔装，下面系橙🍊😳，上面系好浓嘅朱古力mousse，再搭啲脆米。我就一般般呢个啦，橙搭甜品食会酸，朱古力就有点浓。
8 浏览
0 赞好
0 留言
最后第8样就系冰绿茶．70%朱古力，即系🍵绿茶芝士冰饼配特浓朱古力，最得意系有2条腐竹搭喺到装饰，食𠮶时会谂起腐竹鸡蛋糖水XD。个绿茶饼都ok的，但朱古力味🍫太浓喇，令到食唔出绿茶味。可能自己本身就一般朱古力啦，所以最尾呢2款我就唔系好钟意，好彩厨师👨🏻🍳有介绍浓味嘅最后食，咁就唔会影响到其他嘅味道👍🏻。
总括嚟讲，甜品真系好似我同事咁讲好高质，味道同造型都满分💯，当然有部份就未必咁啱我胃口，不过口味嘅嘢就因人而异啦。甜品比咸食出色，但咸食其实都唔差。大拼盘虽然要成二百几蚊，但考虑到个甜品真系超水准，完全show到厨师嘅功价，所以都值呀！🥳加上女友人见到我用个甜品盘同佢庆生，真系有心心眼到话好靓😍，我都好开心。最后要赞嘅就系所有店员服务都超好，好到令你觉得有啲唔好意思🙈。我非常推介要嚟🍭小糖钮试下佢嘅甜品(庆祝生日亦可)，我自己都会再嚟，因为厨师👨🏻🍳话神秘甜品系定时会转架，保持新鲜感。张贴
