泰太廚房

营业中

休息中

公司有提供渡假屋玩，就当然要试下，系疫情之后先开放比大家玩😎 今次拣左大美督的渡假屋，抽中左顶楼个层，开心🥳走上天台BBQ都好方便😎第二日既早晨，就系附近找找有咩餐厅，见到间环境几好既,好有泰国风味，出面仲可以泊车👍👍 而且天气又唔系好热唔太冻，好适合坐户外chill😎因为系我地既早餐所以叫既野又唔可以太过辣😂所以就无叫冬荫公汤，叫左个椰子鸡汤，好好味呀，好补暖☺️咖哩泰国菜系必叫喔，佢地唔会太咸，好啱我口味😋野饮方面原本好想叫佢的泰式奶菜，点知佢话暂时无得供应🥹 唯有叫个泰式咖啡，都好好饮👍连我唔饮开咖啡都钟意饮，另一杯想试下佢个薄荷味咖啡☕️要提提大家唔好点，好伏，佢既薄荷糖浆好甜😫其他所有都好好