湖越

营业中

休息中

好难得放假可以入嚟大美督chill下，之前揸车经过见到呢间餐厅出面泊满车，所以决定入嚟呢间餐厅食晚餐。值得一赞嘅系餐厅可以提供泊车位，车位都唔少，不过就算餐厅车位爆咗，都可以去隔离咪表位拍，好方便。餐厅职员好好咁俾我哋选择坐出边或者入边，个晚天气好凉爽，所以决定坐出边享受吓凉风。有好多唔同嘢食可以拣，基本上越南菜嘅所有嘢都有。因为我哋都几肚饿，所以就叫咗四款嘢食。鸡扒牛肉捞檬捞檬可以选择好多唔同配搭，而我哋就拣咗鸡扒同牛肉。鸡扒同牛肉腌得好入味，其他配料食材都好新鲜，加埋酱汁一齐捞埋好惹味。河内番茄牛筋腩汤粉职员一攞上嚟即刻哇一声，因为好大碗，好粥了。牛筋腩煮得又淋又入味，汤底好浓郁。原来呢度粉面嘅汤底全部都系自家淆制，系唔用味精嘅。火车头红饭上次去越南冇机会试下红饭，所以今日见到有就即刻嗌。红番炒得又浓又充满茄香味，仲配埋好多唔同配料，有鸡扒，鸡翼，扎肉，鸡肉串，墨鱼饼，同埋太阳蛋，真系好似嗌咗个小食拼盘咁。马拉盏通菜食饭点都要叫碟菜食下。通菜炒得好清脆，调味又啱啱好，好好食。