影片
更多
2008-08-07
9 浏览
大老细请食饭，做细嘅唔知道食咩。一直跟住喺尾，见佢行去海旁方向，就知道会有好野食了。原来系会景餐厅。大老细果然系大老细，佢话佢成日都唻，我依D小文员就系第一次。地方好大，都几空下，其实唔订位都得。格局系西式自助餐，但就「隔晏」加D日本装饰，变左个著和服嘅洋鬼子，不伦不类。大老细一坐底就分享佢D「经验」，同我地讲应该叫D咩。佢话一个entree都差唔多一旧水，但加多个salad bar同汤都只系130蚊，抵好多。又好似几有道理㖞，但佢系大老细，张单又系佢找，其实冇道理都要跟住做架啦。大老细开始发挥老细本色，滔滔不绝咁解释佢对政治冇兴趣嘅原因，有几刻冲动想向住佢大声尖叫「冇兴趣你又讲?!」，但我依D为半斗米而折腰嘅人一谂到自己户口嘅处境，当然仲厚颜无耻咁笑住口望住佢。好彩冇几耐就有个堂皇嘅藉口去避难 -- 攞沙律。沙律个碗好大好鬼死重，但一见到有咁多选择就开心返晒。老细话大老细系共产党，所以庆幸自己仲有选择食咩沙律嘅权利。菜有好多款式（其他配料都系），对于好惊成碟菜都系超级爽脆，啖啖都charp charp声嘅我唻讲系个好消息。加晒自己要嘅野后，会有专人同你加dressing同捞晕佢。沙律
大老细一坐底就分享佢D「经验」，同我地讲应该叫D咩。佢话一个entree都差唔多一旧水，但加多个salad bar同汤都只系130蚊，抵好多。又好似几有道理㖞，但佢系大老细，张单又系佢找，其实冇道理都要跟住做架啦。
大老细开始发挥老细本色，滔滔不绝咁解释佢对政治冇兴趣嘅原因，有几刻冲动想向住佢大声尖叫「冇兴趣你又讲?!」，但我依D为半斗米而折腰嘅人一谂到自己户口嘅处境，当然仲厚颜无耻咁笑住口望住佢。好彩冇几耐就有个堂皇嘅藉口去避难 -- 攞沙律。
沙律个碗好大好鬼死重，但一见到有咁多选择就开心返晒。老细话大老细系共产党，所以庆幸自己仲有选择食咩沙律嘅权利。菜有好多款式（其他配料都系），对于好惊成碟菜都系超级爽脆，啖啖都charp charp声嘅我唻讲系个好消息。加晒自己要嘅野后，会有专人同你加dressing同捞晕佢。沙律菜，尤其系个spinach，非常新鲜。火腿同烟鸡肉一粒粒好有口感，味道都好好。青瓜同粟米都好爽，加上黑醋，好香好开胃，好满足的沙律! 美中不足系个croutons，油到不行，好恐怖。
汤有两款，中汤同西汤，要左个忌廉汤，麻麻地咁啦，比一般茶记好D嘅。饮完个汤同食完个超大沙律后，其实都饱左一半咁济。
主菜本来谂紧三文鱼亲子饭定鲈鱼好，老细叫左鲈鱼，所以我就要前者。之后见到老细嘅鲈鱼少得可怜，不禁心里暗笑，庆幸冇叫到。但其实我个饭份量都唔算多，而且三文鱼系切粒的，有少少失望。好彩三文鱼都几新鲜，珍珠米亦都可以。三文鱼子少到食唔到咁济，但对佢冇咩兴趣，冇咩所谓。切左粒容易D捞埋唻食，但满足感就自然少好多了。
最后的热咖啡非常嘅香浓，奶系热的，一杯好满足的咖啡! 个饭一般，但有个沙律同咖啡（竟然）已经好满足。多谢老细，听你吹水吹到成张枱湿晒都算值得嘅。
张贴