牛摩+ (沙田中心) (已結業)

今日沙田揾野食，身为大胃王既我紧系揾间自助餐厅或者放题黎拆返餐饱，经过牛摩门口，俾个餐牌写住$109自助餐吸引住左，即刻问身边女友想唔想试下，最怕谂食乜野既佢去到呢间舖门口，见到入面又有汽水机又有蔬菜吧又有日式打边炉，紧系话冇问题啦，谁不知准备入门口之制，待应讲返清楚，$109只系包括自助蔬菜吧同甜品汽水吧，仲要系9点后，当时仲有30分钟先到，同埋要包括猪肉鸡肉牛肉就要加钱，果一刻心谂，反正都问左女友话冇问题，唔谂喇，食左先算，跟住就直接入左去坐低。 因为我地2个人，所以我地可以叫两个汤底，一个系猪骨浓汤，另一个系寿喜烧汤底，野食好快就上左枱(因为好明显系切左先🤣)，我见D汤未滚，所以出去蔬菜吧攞野先，蔬菜吧有好多种菜，真系谂到乜有乜，连我最钟意既玉子豆腐都有，我攞左几旧粟米、金针菇、玉子豆腐就返去枱，因为用电磁炉，所以个汤好快就滚，我以9秒9既速度放晒d牛肉落汤，跟住就以9秒9既速度就夹返上黎，D牛肉真系超正，肉质鲜嫩，有牛味，仲要系肥瘦适中，冇5分钟就俾我地2条饿鬼清晒，待应见唔对路，跟住就转眼攞过另一碟出黎俾我地，个份量仲要多成倍😍，但又系因为食得太快，所以我地又唔够半个钟就饱到