美心西餅 (葵芳站)

营业中

休息中

心血来潮行入美心,竟然见到呢个大萝卜!!唔驶问,我又贪得意买左佢做午餐。甘笋吞拿鱼包就系呢个大萝卜,粒绿色椗好干,我都分唔到佢究竟系面包定饼干;包包有d果仁,食落几香口又有口感,呢样唔错;吞拿鱼都算多,起码成个包都无虚位,只系萝卜尾部份系斋包,多d鱼就更好,仲有几粒粟米,都ok好食。呢个包外型比味道吸引。车打芝士包: 家庭装个款车打芝士包我都几钟意,今日就只见呢款长方型细包,味道有d分别!!一如以往,呢个包中间系好空洞,不过包底都有唔少半溶芝士粒,事实都好香口,但同家庭包个款有原粒芝士口感又唔同,我都系钟意大个款多d。呢间美心有奶茶、咖啡,仲有即制腿蛋、餐蛋三文治,行过都觉得d茶煲得几香。