影片
更多
2022-03-17
235 浏览
💎总评分：9.0/10-呢间出名食巨型香酥排骨嘅台式小店一直人气高企，每次经过都排晒长龙，终于呢日小编比平时早出门口又见有少少雨，就胆粗粗去睇下会唔会少人啲🤭，幸运地竟然唔驶等位，即刻入去坐低一试名店！1️⃣ 香酥排骨便当 $64每张枱上都有个牌显示「本周配菜」📋，show反当日嘅便当配料，今日就有黄金炒野菜、红乳炒冬粉、葱烧豆腐、葱花玉子、本日凉菜，望落都丰富😽，跟餐仲送饮品或养生汤添🥣！嚟到「那个」当然要叫香酥排骨便当🐽～一共3款口味分别系盐酥、海苔、香辣，今次拣左海苔口味。嚟到时马上俾块排骨吸引住🤩，成个碗咁大，面头舖满海苔粉，传来阵阵香味，食落果然香酥，真系食到不停口🤤。至于配菜同饭其实唔算多，每款都系得少少，不过一个便当入面有4至5样配菜都算多元化👍🏻，而且有咁大块排骨，食完都一定饱。天气仲系冻冻地，小编㨂左跟当日养生汤，当归姜母鸭肉汤好滋补🦆，不过味道稍为咸左少少同埋过份油腻。2️⃣ 塩酥甜不辣 $18小食份量有2片，唔算大块所以都无话好抵食👌🏻，质素一般，不过钟意食甜不辣应该唔会失望。3️⃣ 台湾香肠 $12台湾菜必叫嘅小食之一，惹味又juicy😋，食完更加挂住台湾！4️⃣芋泥地瓜丸 $
-
呢间出名食巨型香酥排骨嘅台式小店一直人气高企，每次经过都排晒长龙，终于呢日小编比平时早出门口又见有少少雨，就胆粗粗去睇下会唔会少人啲🤭，幸运地竟然唔驶等位，即刻入去坐低一试名店！
1️⃣ 香酥排骨便当 $64
每张枱上都有个牌显示「本周配菜」📋，show反当日嘅便当配料，今日就有黄金炒野菜、红乳炒冬粉、葱烧豆腐、葱花玉子、本日凉菜，望落都丰富😽，跟餐仲送饮品或养生汤添🥣！嚟到「那个」当然要叫香酥排骨便当🐽～一共3款口味分别系盐酥、海苔、香辣，今次拣左海苔口味。嚟到时马上俾块排骨吸引住🤩，成个碗咁大，面头舖满海苔粉，传来阵阵香味，食落果然香酥，真系食到不停口🤤。至于配菜同饭其实唔算多，每款都系得少少，不过一个便当入面有4至5样配菜都算多元化👍🏻，而且有咁大块排骨，食完都一定饱。天气仲系冻冻地，小编㨂左跟当日养生汤，当归姜母鸭肉汤好滋补🦆，不过味道稍为咸左少少同埋过份油腻。
香酥排骨便当
$64
58 浏览
0 赞好
0 留言
香酥排骨便当
$64
70 浏览
0 赞好
0 留言
香酥排骨便当
$64
134 浏览
0 赞好
0 留言
2️⃣ 塩酥甜不辣 $18
小食份量有2片，唔算大块所以都无话好抵食👌🏻，质素一般，不过钟意食甜不辣应该唔会失望。
3️⃣ 台湾香肠 $12
台湾菜必叫嘅小食之一，惹味又juicy😋，食完更加挂住台湾！
4️⃣芋泥地瓜丸 $25
有惊喜嘅小食！名副其实咁食到香芋🍠同地瓜嘅味道，入面塞满芋泥，口感外脆内软，趁热食无得顶💯！
5️⃣ 宜兰三星葱馅饼 $20
「那个」同爵爵&叔叔搞左个cross over，除咗喺店内见到相关插画同周边商品🛍，仲有限定menu，呢个馅饼系其中一个选择。一咬落去即爆汁💦，肉馅惹味仲有阵阵葱香，超级juicy，非常推介💪🏻！
宜兰三星葱馅饼
$20
53 浏览
0 赞好
0 留言
6️⃣ 柠檬冬瓜爱玉 $36
小编好钟意饮冬瓜茶，但又怕太甜，唔知大家有无发觉冬瓜茶好多时无得㨂甜度🤔？小店就好贴心，冬瓜茶都提供甜度选择👏🏻。
台湾料理一向系受港人欢迎嘅菜式🥰，但系小店嘅受欢迎程度净系睇平时排队嘅人龙都知道，呢日小编边食边见到好多人等外卖，的确，价钱合理，多款小食，完全可以满足到对台湾料理嘅欲望😌。
-
环境服务：⭐⭐⭐⭐
食物质数：⭐⭐⭐⭐⭐
打卡指数：⭐⭐⭐
题外话/补充资料：
🚗 小店系地舖，附近有咪表位但都比较难等到，如果坐窗边位，泊正喺对外嘅街位都算安全。
(以上食记乃用户个人意见 , 并不代表OpenRice之观点。)
张贴
