影片
更多
2024-09-21
1186 浏览
今次嚟到嘅呢间小店，有好多唔同特色饮品，是次试咗两款风味咖啡觉得几特别，晚市套餐就以慢煮菜式为主，睇得出菜式设计上都几用心。🥩慢煮和牛牛小排烤牛骨髓 ($158)上网见大家都叫佢就跟风叫一份，果然唔错！牛小排牛味重带有丰富油脂香，牛骨髓口感滑捋捋，食落似牛脂，感觉好多骨胶原。套餐附送白饭、热茶、味噌汤、渍物同埋自选沙律一份，是日渍物系酸姜，食落几开胃，自选沙律拣咗明太子玉子，玉子甜甜地加埋明太子酱一流。呢个Set美中不足嘅系唔记得追加返只兰王蛋😭。🐮慢煮安格斯牛柳 ($108)牛柳肉质软熟，有啲咬口，味道冇牛小排咁浓，但点秘制烧汁提味啱啱好。另外仲加咗$8 转咗荞麦面，又唔错。另外沙律拣咗芥香秋葵，秋葵爽口，点埋芝麻酱好味。🌺山茶花冰球咖啡 (晚市优惠半价$25 - 原价$50)推荐！ 呢杯系用咖啡倒落带有山茶花嘅冰上萃取出嚟，咖啡冇平时嘅咁浓，饮落感觉温和，山茶花味几出，两者好夹。一开头饮落有少少似桂花，但饮真啲就好快发现个味系有别于桂花嘅清香！☕️紫薯维也纳咖啡 (晚市优惠半价$25 - 原价$50)维也纳咖啡有三款，除咗紫薯、仲有抹茶同埋蝶豆花，咖啡底味唔错，加上on top啲紫
今次嚟到嘅呢间小店，有好多唔同特色饮品，是次试咗两款风味咖啡觉得几特别，晚市套餐就以慢煮菜式为主，睇得出菜式设计上都几用心。
🥩慢煮和牛牛小排烤牛骨髓 ($158)
上网见大家都叫佢就跟风叫一份，果然唔错！牛小排牛味重带有丰富油脂香，牛骨髓口感滑捋捋，食落似牛脂，感觉好多骨胶原。
套餐附送白饭、热茶、味噌汤、渍物同埋自选沙律一份，是日渍物系酸姜，食落几开胃，自选沙律拣咗明太子玉子，玉子甜甜地加埋明太子酱一流。呢个Set美中不足嘅系唔记得追加返只兰王蛋😭。
🐮慢煮安格斯牛柳 ($108)
牛柳肉质软熟，有啲咬口，味道冇牛小排咁浓，但点秘制烧汁提味啱啱好。另外仲加咗$8 转咗荞麦面，又唔错。另外沙律拣咗芥香秋葵，秋葵爽口，点埋芝麻酱好味。
🌺山茶花冰球咖啡 (晚市优惠半价$25 - 原价$50)
推荐！ 呢杯系用咖啡倒落带有山茶花嘅冰上萃取出嚟，咖啡冇平时嘅咁浓，饮落感觉温和，山茶花味几出，两者好夹。一开头饮落有少少似桂花，但饮真啲就好快发现个味系有别于桂花嘅清香！
☕️紫薯维也纳咖啡 (晚市优惠半价$25 - 原价$50)
维也纳咖啡有三款，除咗紫薯、仲有抹茶同埋蝶豆花，咖啡底味唔错，加上on top啲紫薯蓉同cream一齐饮几得意。
张贴
