老掌櫃東北菜館 (利奧坊)

营业中

休息中

第一次喺大角咀试呢间餐厅老掌柜。呢间嘢都好多人排队不过好都可以入到入去坐。今次好简单就咁嗌咗一碗秘制牛犇面，佢哋上菜速度都算快，只系等咗十分钟左右。碗面上咗嚟睇落去其实份量就中中挺挺，唔似佢个名咁有特别多牛，不过其实份量都算合格嘅。碗面上枱就闻到特别香嘅牛肉味，好好奇佢哋既汤底究竟淆咗几耐。饮一啖汤特别香浓，但系又唔会特别咸，唔会话饮完就觉得好口渴。佢啲牛腩都好淋，唔会话特别难咬，里面锁住晒啲肉汁，咬落去好有牛香味。啲面爽口弹牙，食落去都好滑，一啖汤一啖面，简直系绝配。喺大角咀44蚊食到呢碗面其实都算系咁，整体嚟讲都算有质素嘅平价餐厅。