大同韓燒 (已結業)

天气开始冻，又系时候食烧肉！做嘢咁啱经过大角咀，咁岩揾到一间大同烧烤，于是就决定试下，点知一试就爱上了，之后有机会都会再黎食！肉类方面有好多选择，有烧汁、蜜汁淹既牛肉猪肉，重点推介返猪颈肉、鱿鱼须同埋肥牛！猪扒淹得都不错冬天烧肉真系好幸福噢❤️❤️去个日系闲日所以人少啲～两个人坐到四人台慢慢烧好正！啲位几够大，唯一小小唔好系设计中间有条横会long起只脚，要坐两边，但影响不大～冷盘同熟食都有唔少选择，肚饿既朋友可以拎啲顶顶肚再烧～寿司有期间限定，我地个日系黑松露带子寿司，好好味！👍🏻👍🏻👍🏻👍🏻职员好热情，有新野出炉嘅时候，都会叫我地客人快啲拎～饮品都有十几种可以拣，最大路既绿茶解茶同埋韩国乳酸个啲都有，仲有青岛啤酒，不过如果要饮蓝妹啤酒，就要另外比钱，不过如果食到兴起，又唔介意比多少少钱既🍻甜品有中西式，都有水果咁样，都算齐全，价钱黎讲都几公道，因为地理位置未算好方便，所以想平食韩烧又唔介意行多两步绝对会谂起大同韩烧！