The Brew Job Coffee (已結業)

要讲闹市得嚟又唔多人，非大角咀莫属。近年愈来愈多新餐厅进驻，为旧区注活力，今次先介绍 The brew job coffee。拣呢间舖主要系因为见到有Bagel，因为香港有Bagel嘅地方唔多呀！Avocado & Egg卖相有惊喜， 因为估佢唔到系煎蛋呀！呢个Bagel有牛油果蓉、鸡蛋、火箭菜同cream cheese。Bagel只有原味拣，偏烟韧。当蛋黄流到牛油果蓉上面，加埋Bengal都算系唔错！Smoked Salmon Supreme有挪威烟三文鱼、酸豆、红葱头、火箭菜同cream cheese，同样原味嘅Bagel，呢个就系稳阵之选，因为呢几款食材加埋，只要够新鲜都会好食！Dirty（前）、Latte（后）两款都叫咗Combo set $98，所以可以拣$38饮品。前者就系将espresso倒入冻鲜奶里面，上层系深啡嘅咖啡，下层系白色鲜奶，中间有个渐层。先饮到热的espresso，再饮到冻的牛奶，一杯饮到两个唔同口感；后者就奶味比较顺滑，好易入口。