約咗朋友食飯，天氣凍，想食粥，佢就搵咗依間餐廳，話同屋企人食過，有砂鍋粥！
小份 係二至四人份量
多款配料選擇，計咗粥底價錢，再加埋配料，夠$180或以上就OK😌😌
3
除咗砂鍋粥之外，佢哋仲有好多經典小菜，好有家鄉情懷😄😄另外，仲有串燒，選擇都幾多！
砂鍋粥：鮑魚、蠔仔、乾瑤柱
用手機落單嘅時候，仲可以選擇要唔要其他配料，例如薑、冬菜、菜脯等等。
個粥好好食！超足料！乾瑤柱味道好突出，令到個粥有鹹香海鮮味，蠔仔份量亦非常多，兩個人食，真係非常非常滿足！
客家鹹雞-例牌
店員推介嘅客家鹹雞，雞皮薄得黎係爽！
淡淡鹹香，配砂鍋粥，一流！
鮮魷魚香鍋
香噴噴，非常惹味！香鍋都做得好出色，味道調校得好好，而且魷魚好滑溜，如果可以喺香鍋嗰度自由加其他配料，就更加正，因為佢個汁真係做得好正！🥰🥰
