前家樂餐廳火鍋店 (已結業)

好评 前家乐大角咀暗藏正鸡煲近期鸡煲瘾起，成班朋友打算去食下鸡煲，朋友推介去前家乐，个名都几有趣，个晚去到8点几谂住唔驶等位，点知爆场，好彩等左十五分钟就有位，环境都干净企理，依度主打鸡煲同烤鱼，阿姐话鸡煲最正，仲话唔食得辣都可以叫微辣，咁先有风味，一打开已嗅到好香既麻香，愈食愈有味，奇就奇在鸡煲左好耐都好嫩滑，阿姐话用左三黄鸡㖞。之后就加汤打边炉，阿姐好细心仲问如果惊淡味可以加返D麻辣酱，竟然有依种服务，强烈推介麻辣酱用黎沾野食一流。主要叫左手切肥牛，芝士竹轮，三式水饺，炸鱼皮，蟹柳，响铃，每样𩠌都可以叫半份，份量都好多，最正系芝士竹轮同牛肉。依间野下次可以试埋烤鱼，当晚都见到好多人食，另外虽然人手唔多，但阿姐服务超好，下次要再约多D朋友黎食，试多D其他火锅配料，间野仲好似开到凌晨两点，OT后黎食一流。