Villa Villa (已結業)

同朋友去开奥海城，顺道落大角咀食晚饭。行左阵，最后选左Villa Villa试下。餐厅已布置左圣诞装饰，加上以木为主的装修，好舒适、好有气氛。木纹餐牌好特别，而且有好多选择，心大心细，2个人真系好难决择。最后选左秘制烧春鸡半只、北海道帆立贝意大利饭、黄金炒薯条同水果茶。先黎烧春鸡，烧完既外皮又香又脆，肉质比想像中更嫩滑多汁，一d都唔干，配埋秘制酱汁，一流！北海道帆立贝意大利饭，帆立贝大大粒，外层烧至金黄色，内里仍然好爽口弹牙，配上香浓意大利饭，好有水准！仲有超邪恶的黄金炒薯条，用料十足，每一条都布满咸蛋黄的味道，又香又脆，食唔停口！最后配埋杯水果茶，一样用料十足，又唔会太甜，恰到好处！