Ristorante Pizzeria Da Vincenzo

营业中

休息中

大角咀多美食, 今次朋友想试意大利菜, 我地一行五个女仔就去左呢间试下。呢个starter好好食! 平时食开既火箭菜都好苦, 但呢D完全唔会苦, 食落系觉得好fresh, 跟parma ham既配搭十分之好, 又中和番咸味, 无得弹。好少食mussels系用蕃茄汁, 原来系可以咁夹咁好食。Mussels都几大只几新鲜, 一上菜我地争住食, lam lam脷。好期待既pizza! 一上已经闻到好香, 流晒口水。我地拣左两种味各一半, 两只都好好食! 加左火箭菜 (+$15), 更加好味。Pizza底薄, 料足, 饼边香口, 好耐冇食过咁好食既pizza。呢个意粉就认真麻麻地, 本身以为carbonara好难唔好食, 但佢D汁太稀, 完全挂唔到落意粉到, 味道都偏淡。意粉口感偏硬身, 钟意al dente既应该会觉得唔错, 但可以考虑试另一种。Truffle好香, 汁好creamy, 虽然Gnocchi偏淋但整体都几好食。我地叫左两个甜品, tiramisu好好食, 但pistachio gelato真系好失望, 因为完全冇pistachio既味, 反而有D似杏仁味。