Restoran SAYA

营业中

休息中

呢间Restoran SAYA系一开泰国东北菜🤩一入到餐厅巳经见到装修充满着泰国民族风，餐厅以湖水绿色做主调，再配有好多复古嘅poster同装饰，令成间餐厅有好多打卡位😌🍽️炭烧猪颈肉猪颈肉份量好多呀，薄切嘅猪颈肉经过炭烧后，食落觉得好香口，加埋会有啲调味粉洒咗系猪颈肉面头，食个阵觉得好够味，再配埋个特调酱汁一齐食，超级惹味😋🍽️沙嗲鸡串每串鸡串份量都好多，鸡肉仲好大件添！烧过嘅鸡串食落肉汁鲜嫩又多汁，特制嘅沙嗲加咗花生酱之后，够哂香口同惹味！再以青瓜、生菜做配菜仲可以解油腻😝🍽️泰式炸鸡枣炸鸡枣绝对有惊喜😎鸡枣系用腐皮包住免治鸡肉mix蔬菜再拎去炸成一粒粒，一咬开入面仲保留咗啲肉汁，配埋泰式辣酱一齐食，好食🤤🍽️泰式青咖喱 鸡青咖喱散发住浓浓嘅椰香味，食落惹味香辣，煎过嘅鸡肉更肉质鲜嫩！蒜蓉包烘到香脆可口，离远巳经闻到浓郁嘅蒜蓉香味，蒜蓉包外脆内软又带点咸香，将蒜蓉包沾满咖喱汁再食更入味😜🍽️芒果糯米饭卖相十分吸引💯呢个甜品用咗芒果砌个玫瑰花出嚟，芒果食落好香甜，糯米饭仲好软熟，淋埋香甜浓郁嘅椰浆，食蓉好味道👅🥥椰青椰青汁饮落好清甜且带点椰香，水份十分充足，饮到咁上下仲可以刮椰青肉边食边饮添😝