Orange Elephant Thai Restaurant (利奧坊) (已結業)

大角咀真系有好多泰国餐厅嘅选择，今次拣左Orange Elephant，餐厅由博文街搬咗去利奥坊，地方宽敞舒适，灯罩非常特别，用藤做成扇形。生虾刺身 6只生虾好大只，入口非常爽口，上面有生蒜头同埋辣椒粒，可以沾秘制青色泰式辣汁，口感丰富。杂锦串烧有猪、牛、鸡各2串，上枱热辣辣，肉质鲜嫩，沙嗲酱汁滑顺，有花生嘅香味，唔会太辣。原个菠萝海鲜焗饭用菠萝壳做器皿，好有特色，材料丰富，有青口、鱿鱼、虾，仲有酸酸甜甜嘅菠萝粒，香气十足。芒果冰特饮特别之处系每一啖饮到沙冰之外，仲有大大粒芒果粒，非常香甜。番石榴冰同样亦高质，口感冰冻滑溜透心凉, 解渴之选。