金船長餐廳 (已結業)

今晚约咗女朋友食饭，特登去大角咀睇下有乜嘢好食，原来大角咀都几多美食，今日就特登同佢黎试下啦。铺头都唔系好大，大概可以坐到10靓张枱，不过去到𠮶时已经见到有好多系一大班人黎食，不过我都建议多啲人嚟一齐食会开心啲，因为佢啲主菜都几大份，可以几个人一齐share铺头都几多特色嘅摆设，入到黎就好似置身喺船当中。我哋叫咗个黑松露菌酱异式马斯卡普芝士夹心Pizza，好重嘅黑松露嘅香味，食入口再加埋面头充满嘅芝士粉，好香，简简单单两三种食材放埋一齐就已经好好食，如果一班人食一定要叫。蜜糖鸡翼，焗到外面鸡翼皮好脆，而入面嘅鸡翼好嫩滑，面头仲有少少甜甜地嘅蜜糖嘅香味，好味，不过呢个始终系小食，如果多人食嘅话就可能要叫两三碟。最后叫咗只猪手食，呢只猪手系主菜，佢可以配饭意粉同薯菜，猪手好大只，份量都好惊人，我哋两个人食都已经好足够，佢只猪手好juicy，出边食开嘅猪手通常都好干身，佢呢一只唔会，食落口个皮好滑，肉入面充满汁，呢一个系必食嘅推介，我见有几张枱都叫咗呢个猪手食。最后建议，如果上嚟食饭嘅话一定要Book定枱，因为我见到平日都几多人嚟食，都有几张枱嚟到要等位，所以一定要book定位。