Marco's Oyster Bar & Grill (港灣豪庭廣場) (已結業)

今晚去大角咀，见呢间餐厅有得食蚝就拣咗呢度晚餐。佢哋有好多唔同种类嘅生蚝，我哋就试咗Pacific Rock生蚝，味道好新鲜，带有咸咸嘅海水味，好好食。食完生蚝，我哋就拣咗黑松露野菌带子天使面同烧原只德国咸猪手两个set。Set dinner有餐包、前菜同一杯餐饮。前菜可以拣凯撒沙律或牛肝菌蘑菇汤。我哋一人叫咗一样share。原只德国咸猪手嘅份量真系好大，两个人都差啲食唔晒，而且皮脆肉嫩。黑松露野菌带子天使面都好出色，不能天使面同野菌嘅份量都好多，带子煎到带有焦香，黑松露香味令人食欲大增。虽然食到好饱，但系甜品系第二个胃，我哋就叫咗意大利柠檬雪糕，真系好有惊喜！两层雪糕同忌廉嘅口感，加上酸酸地嘅柠檬味，感觉既新鲜又清新，亦唔会太腻，非常好味。