小王子甜品 (已結業)

喺骨煲皇打完边炉，原来小王子就喺隔离，见又唔多使等，于是就顺便食个甜品。舖唔算大，装修略见心思。两个人，叫咗一个红豆绿茶木糠。雪糕加红豆加木糠布甸，味道唔错，唔太甜。另外叫咗个杨枝甘露加奶冻，杨枝甘露有啲苦，不过卖相唔错。总括嚟讲，坐得都舒服（有啲圆形梳化位供五至六人坐），甜品选择多，虽然唔系咩特别款式，但都做得几好味同埋有心思。喺呢区嚟讲都算系几突出。