The Galley by Cafe Proud Wings (已結業)

呢排钟意去大角咀揾食，大角咀果边真系好多餐厅。但今次都系约咗系旺角行街，行到攰咗就系旺角食咗嘢，但由于真系好想试下呢间餐厅，就行过去当消化咗，就叫咗几样嘢大家一齐share。香煎蟹饼配芒果莎莎酱： 蟹饼食落好鲜美，完全唔会有厚粉或者油腻嘅感觉，后尾侍应话呢个系百分蟹肉整嘅，同芒果莎莎酱都每天新鲜调配，所以我地都食到粒粒芒果肉，感觉好Fresh。烧海鲜拼盘：包括鱿鱼，三文鱼，带子，大虾多款海鲜，烧得几香口，尤其系带子，外面烧得微焦，入面就保持嫩滑。中间会有酱汁，香草牛油嘅味道，惹味，令人食唔停口，除咗海鲜，仲有好多沙津菜垫底。分量十足！呢度环境几得意，系以飞机为主题，行到门口已经见到装修有机身嘅设计，MENU都设有多款飞机餐，例如经济舱套餐或者商务舱套餐，如果唔系食得太饱我都会想叫嚟食，唯有下次再嚟啦。