影片
更多
2015-06-15
1037 浏览
今日去试下新开嘅呢间小笼包，平时去开大角咀揾食，火锅西餐汉堡东南亚日本四川都有，𠮶度就系缺咗呢类上海野。地点就近汇丰，角祥街蚬壳油站对面，好易揾。一打开个餐牌，类别其实不多，小食五款，面类五款，明显是主打贵精不贵多，心谂: 好！就叫几个手工野，睇你有咩咁巴闭！特制酱汁椒盐鸡翼：鸡翼炸得刚刚好，外脆内嫩，过关；个酱系几好野嘅，酸甜蒜香，几惹味开胃。生煎包：有麻辣牛肉同普通馅，包皮真系脆，够薄又唔油，一咬落去会喷汁，食嘅时候要好小心。小笼包：铺头两大精选之一，皮薄，多汁，呢两样系必要唔驶讲啦，最重要系唔腻口，我食几只都唔驶落醋，完全冇油腻感，果然好野。冰火冷面：甜酸苦辣咸加麻，肉末香口，平衡得好，酱汁刚刚好，唔会太多或者太干，太干唔够味，太多最后一啖会太重味，呢下唔系间间得。庆面：同铺头名一样，重唔系主打？就咁睇，配料有萝卜，豆卜，肉末，京葱丝同饺子，汤系带少少奶白。先饮汤，一个字：坚！猪骨底，加上有啲鲜味，好好饮！萝卜，豆卜，都系吸汤食料，两样都可以发挥到啲汤嘅鲜甜；再黎精彩系只饺子，唔系一般行货猪肉饺，系鱼肉饺，好鲜好好食！呢餐都几惊喜，睇落系普通一间细铺，食落唔讲以为系啲出名大铺。俾
地点就近汇丰，角祥街蚬壳油站对面，好易揾。
一打开个餐牌，类别其实不多，小食五款，面类五款，明显是主打贵精不贵多，心谂: 好！就叫几个手工野，睇你有咩咁巴闭！
特制酱汁椒盐鸡翼：鸡翼炸得刚刚好，外脆内嫩，过关；个酱系几好野嘅，酸甜蒜香，几惹味开胃。生煎包：有麻辣牛肉同普通馅，包皮真系脆，够薄又唔油，一咬落去会喷汁，食嘅时候要好小心。
小笼包
39 浏览
1 赞好
0 留言
冰火冷面：甜酸苦辣咸加麻，肉末香口，平衡得好，酱汁刚刚好，唔会太多或者太干，太干唔够味，太多最后一啖会太重味，呢下唔系间间得。
庆面：同铺头名一样，重唔系主打？就咁睇，配料有萝卜，豆卜，肉末，京葱丝同饺子，汤系带少少奶白。先饮汤，一个字：坚！猪骨底，加上有啲鲜味，好好饮！萝卜，豆卜，都系吸汤食料，两样都可以发挥到啲汤嘅鲜甜；再黎精彩系只饺子，唔系一般行货猪肉饺，系鱼肉饺，好鲜好好食！呢餐都几惊喜，睇落系普通一间细铺，食落唔讲以为系啲出名大铺。俾钱时咁啱老板兼大厨(都几有型)收钱，赞佢几句，佢就话啲包同饺系朝早开铺前先包，日日新鲜，卖唔晒就掉，唔隔得夜；另外面汤系十几种料煮两日而成，唔怪之得咁鲜味。跟住就系最后一个惊喜，就系呢度啲食物价钱好街坊价，个人觉得直头系超值。
希望佢呢啲好店可以继续做落去，keep 到水准，唔好俾地主赶走啦，我好想继续有得食呀！
张贴
