影片
更多
2022-09-30
28 浏览
讲到加𩠌点可以唔提斩料呢？今次比我见到系朋友屋企楼下有间新嘅烧味店，几个师傅坐镇，各款烧味睇落新鲜又几抵食，一于买返屋企加𩠌！至尊烧鹅（上庄）（$110）我哋屋企人比较钟意食烧鹅上庄，肉厚又少啲肥，呢盒果然无令我哋失望，外皮香脆，肉够香软，加埋精华嘅烧鹅汁，饭都可以食多啲！客家盐焗鸡（半只）（$35）满满一盒，鸡肉咸香嫩滑，鸡皮爽口，蘸埋葱油，可以一件接一件，切得比较大件不过唔影响食用。烧味佬叉烧（$40）当然要买我最爱嘅叉烧，师傅特别俾咗一半系半肥瘦，一半系全瘦，就算系全瘦嘅叉烧都非常软腍，适合钟意食甜腻口味嘅朋友！泰式凤爪（$45）妈妈就最钟意呢款无骨凤爪，少少酸辣又爽口，够晒开胃！其实仲想买埋少见嘅鸭下巴，不过迟咗黎已售罄。除咗以上几款菜之外，其他烧味都抵食，饭都唔想煮既话，单双拼饭都系$22，真心超值！
至尊烧鹅（上庄）（$110）我哋屋企人比较钟意食烧鹅上庄，肉厚又少啲肥，呢盒果然无令我哋失望，外皮香脆，肉够香软，加埋精华嘅烧鹅汁，饭都可以食多啲！
客家盐焗鸡（半只）（$35）满满一盒，鸡肉咸香嫩滑，鸡皮爽口，蘸埋葱油，可以一件接一件，切得比较大件不过唔影响食用。
烧味佬叉烧（$40）当然要买我最爱嘅叉烧，师傅特别俾咗一半系半肥瘦，一半系全瘦，就算系全瘦嘅叉烧都非常软腍，适合钟意食甜腻口味嘅朋友！
泰式凤爪（$45）妈妈就最钟意呢款无骨凤爪，少少酸辣又爽口，够晒开胃！
其实仲想买埋少见嘅鸭下巴，不过迟咗黎已售罄。除咗以上几款菜之外，其他烧味都抵食，饭都唔想煮既话，单双拼饭都系$22，真心超值！
张贴
