石一燒 (富多來新邨一期) (已結業)

朋友介绍呢间位于大角咀嘅石烧餐厅，佢哋嘅2人前套餐$698就可以食到高质嘅A4和牛。黎到发现餐厅搞紧个免费饮ORION 啤酒嘅campaign，男士只需要喺7秒内(女士9秒)饮完一杯350ml嘅啤酒，就可以唔洗俾钱，饮唔哂就当然要俾正价喇，咁抵当然要挑战吓。极上和牛盛会の2人前 $698呢款2人套餐除咗可以食到3款牛之外，仲有埋前菜、沙律、汤、杂菌、饭素同汽水等饮品，非常丰富。沙律劲大碟而且入面仲有各式各样嘅沙律菜，加埋个sauce，味道唔错。味噌汤加入咗好多樱花虾，味道香浓。前菜(三品)3款前菜由师傅精心炮制，分别有日本小甜薯、炙烧蟹柳同辛辣带子裙边。小甜薯炸到外脆内软，味道香甜。蟹柳啖啖肉，加埋柚子汁酸酸哋好开胃。带子裙边爽弹有口感。烧肉方面可以食到2款日本九州A4和牛，分别有三角胸同上前腿肉。和牛色泽鲜明，油花分布平均，用石板轻轻烧吓就食得，烧紧嘅时候劲香，流哂口水，食落够腍亦都好多肉汁。另1款嘅澳洲和牛封门柳肉质相对冇咁腍，但系肉味就好重。普洱咖啡食甜品之前店员仲特登拎咗壶普洱咖啡俾我哋饮，可以消滞清肠胃，饮落有淡淡咖啡嘅幽香同茶嘅清香，口感仲好顺滑。日式甜品甜品有云呢拿雪糕配