金船長餐廳 (已結業)

呢间餐厅一直都想试，但一直冇机会，有几次我提议食最终都食唔成，今日最终都如愿以偿！一入到去，就闻到一股好浓郁、好香既芝士味，超级吸引！一问之下先知原来系餐厅既王牌菜，黑松露菌酱意式pizza，就毫不犹豫咁点左，加上几味主菜同小食。餐厅以海盗为主题既小小布置～等左冇几耐，d野食就开始到，第一样就系黑松露意式pizza，真系好香！食落个味好有层次，creamy得黎又唔肥腻，而且外皮好脆有口感，不愧为餐厅既王牌！店员仲提供左三种食法，一系就咁食，二系连酱食，三系夹埋d沙律食，值得一提既系夹沙律食会有好fresh既感觉，一定要试！系我地食到lum lum 脷既时候，店员送上法国鹅肝，个卖相以经赢晒！食落去更加不得了，够香之余油而不腻，有惊喜！我地仲点左小食拼盘同一个天使面，两样都不错。整体黎讲食物水准高，而且餐厅环境唔错，好好座，值得再试！