鍋 (已結業)

🍗炸鸡 半份 $78 (7.5/10)炸鸡炸得香脆，炸粉都好薄，鸡肉好嫩滑，酱汁系店主每日自家制，食落去比较偏酸辣口味，比起坊间比较偏甜嘅韩式辣酱就比较酸同埋辣少少。🍴海鲜部队锅 $368 (8/10)海鲜部队锅非常丰富，有两只鲍鱼，五只虾， 蚬，年糕，午餐肉，鱼糕，冬菇金针菇下面仲有大量芽菜洋葱同埋白菜！海鲜非常新鲜，鲍鱼都弹牙虾肉都爽口蚬都冇沙，非常欣赏佢个鱼糕系真系韩式𠮶种，好好食！个汤辣度适中，唔会好辣，食唔到辣都觉得啱啱好！食完啲𩠌仲可以加个面落去煮。个面吸收晒汤底精华，加埋芝士真系冇得输🤤一定要加芝士🧀🍓士多啤梨牛奶沙冰 $48 (7/10)士多啤梨奶昔加咗cream真系打卡一流，甜甜地，有士多啤梨味，感觉唔似牛奶沙冰，似加咗雪糕去打。推荐指数: 8/10海鲜部队锅好足料，好少食到咁正又好食嘅锅，两个人share啱啱好，多人嘅话可以叫多啲嘢食🥰餐厅舒服服务又好，推荐~