福門海鮮菜館 (已結業)

以前同朋友食饭多数都系会拣日本餐厅、西餐多，到而家朋友之间又变返钟意食中菜食果份热闹气氛。餐牌有多款食物选择卤水并盘、汤品、小菜等等。卤水并盘有卤猪脚仔、牛展、鹅翼等等种类非常丰富，而牛展非常入味食落去软淋重牛肉香，而猪脚仔啖啖肉，加上每一啖都有阵阵酒香加上，呢个就个人好钟意。粉丝蒜蓉蒸黄金贝黄金贝份量十足，够大只食落去亦好爽口，加埋蒜蓉粉丝一齐食非常惹味。秘制香辣鲜鸡煲内里配有干葱头，洋葱，芹菜等配料，而鸡肉亦好滑溜，加上秘制香辣风味真系食唔停口。椒盐鲜鱿椒盐鲜鱿份量好多，而且食得出鲜鱿好新鲜弹牙，送酒一流。啫啫猪颈肉芥兰煲好有获气嘅菜式，上到枱热辣辣，猪颈肉亦好爽口十分惹味。冬瓜盅用料丰富，有冬瓜、虾肉、瑶柱、莲子、火鸭等等，饮落去非常清甜，夏天用嚟消暑真系岩哂。