影片
更多
2023-06-22
199 浏览
第一次去大角咀，见到呢间餐厅的Weekend Brunch menu 睇落好似好正，咁就去试试！餐厅的装修好典雅，仲有好好听的背景音乐，感觉好有格调。见到有舞台同鼓，旁边一直loop住夜晚Live show的表演嘉宾，感觉夜晚应该会变身成好热闹的酒吧，有机会都想试吓佢的晚市。香芒鱼柳汉堡薯条 $168见到芒果同鱼柳呢个组合都几有趣，又未曾试过，所以叫左份试吓。又真系估唔到芒果加炸鱼柳会咁夹咁好食，芒果酸酸甜甜，鱼柳炸得甘香酥脆，配埋沙律酱好好食，面包的面烤到脆脆地，切开系有声的脆，成个包食落好香口。薯条似系蘸过炸浆再炸，食落香脆得黎唔会干净净，薯条份量仲要好大份，多到食唔哂。香烤新西兰肉眼 $188块扒比想像中大块，上枱时都忍唔到哗左一声。牛扒下面垫底的系烤南瓜同番薯。牛扒叫左5成熟，切开睇落有粉红但无血水，觉得似7成熟多d。牛扒食落都有牛味，但唔算浓。南瓜同番薯都烤得好香甜。跟餐有田园沙律配意大利黑醋，沙律菜都算新鲜。跟餐甜品有朱古力Brownie 同意式冰淇淋咖啡（+$12）Brownie 食落暖暖地，朱古力味劲浓，好好食。冰淇淋咖啡只系落左半杯咖啡，因为怕会太苦，对我黎讲半杯已经
餐厅的装修好典雅，仲有好好听的背景音乐，感觉好有格调。见到有舞台同鼓，旁边一直loop住夜晚Live show的表演嘉宾，感觉夜晚应该会变身成好热闹的酒吧，有机会都想试吓佢的晚市。
香芒鱼柳汉堡薯条 $168
见到芒果同鱼柳呢个组合都几有趣，又未曾试过，所以叫左份试吓。
又真系估唔到芒果加炸鱼柳会咁夹咁好食，芒果酸酸甜甜，鱼柳炸得甘香酥脆，配埋沙律酱好好食，面包的面烤到脆脆地，切开系有声的脆，成个包食落好香口。
薯条似系蘸过炸浆再炸，食落香脆得黎唔会干净净，薯条份量仲要好大份，多到食唔哂。
香烤新西兰肉眼 $188
块扒比想像中大块，上枱时都忍唔到哗左一声。牛扒下面垫底的系烤南瓜同番薯。
牛扒叫左5成熟，切开睇落有粉红但无血水，觉得似7成熟多d。牛扒食落都有牛味，但唔算浓。南瓜同番薯都烤得好香甜。
跟餐有田园沙律配意大利黑醋，沙律菜都算新鲜。
跟餐甜品有朱古力Brownie 同意式冰淇淋咖啡（+$12）
Brownie 食落暖暖地，朱古力味劲浓，好好食。
冰淇淋咖啡只系落左半杯咖啡，因为怕会太苦，对我黎讲半杯已经好浓味。味道食到好香浓的咖啡味，同云尼拿雪糕好夹，再配埋雪糕面的朱古力酱，味道好有层次，非常好食。
LOST STARS LIVEHOUSE BAR & EATERY (大角咀)
大角咀利得街11号利奥坊一期地下506号舖
*上述文章只供参考及以当时价格为准
张贴
