上海維記

营业中

休息中

琴晚去咗大角咀嘅上海维记，呢间新开嘅上海菜菜馆，装修新派又雅致，环境干净企理，坐得几舒服。虽然只系闲日，但夜晚七点已经几乎全院满座😆🥢蟹粉小笼包系必点之选，皮薄馅多，蟹粉味道浓郁，咬开𠮶阵啲汤汁好鲜甜，真系一啖唔够👍🏻🥢大闸蟹啲蟹膏好肥美，仲带少少甜味，配埋姜醋汁，食得出系新鲜货🦀🥢回锅肉炒年糕炒得好香，年糕烟韧唔会过烂，回锅肉又唔会太肥腻，味道啱啱好😋🥢砂锅云吞鸡汤底好鲜甜，云吞皮薄馅足，鸡肉嫩滑，呢个砂锅喺冬天食更加暖胃🤤🥢赛磅蟹用咗蛋白炒出蟹肉嘅口感，捞埋中间嘅蛋黄一齐食，味道香浓，质地滑溜，每一啖都带有少少甜咸味，几惹味😍餐厅全日免加一，价钱亲民，食物水准高，性价比真系几高。整体嚟讲，呢度啲上海菜无论系味道定摆盘都用心，值得一试！