石一燒 (富多來新邨一期) (已結業)

虽然天气咁热，但系都好想食铁板烧，今日就跟朋友去咗大角咀呢间石一烧。 我哋两个人就叫咗佢个二人餐尊上の二人前。首先上菜嘅系沙律，落咗芝麻酱同木鱼，既消暑又开胃。然后系樱花虾味噌汤，为一般嘅味噌汤增加鲜味。前菜有甜薯、姬菇、带子裙边，分别用甜、酸同辣味刺激味蕾，甜薯炸咗小小变得香口，姬菇带少少酸，口感弹牙，带子裙边加咗番红花调味，辣得嚟爽口。嚟到主菜石板烧，餐厅先放啲洋葱俾我哋炒香咗先。之后先落美国顶级牛小排，唔需要整太熟就可以带出做到，食落好重牛味。英国羊西冷唔会太骚，咬落去肉质好腍。日本猪梅肉食落甘香，好多肉汁，油脂感充足。菇盛会有几种唔同嘅菇，全部都非常之爽口 juicy。炒到咁上下，洋葱都开始好甜，可以当配菜食。套餐配白饭，落咗紫菜粉同芝麻调味，配烧肉或者就咁食都好好食。天气咁热，我哋仲叫咗苹果同蜜瓜梳打汽水消暑，之前冇饮过呢只牌子，好清新，果味十足。最后甜品系自己捞嘅绿茶云呢拿雪糕，食客要自行调配绿茶，在倒响雪糕上面，雪糕嘅甜味中和咗绿茶嘅苦涩，同时又有绿茶嘅香味。临走之前侍应仲贴心提醒我哋餐厅有衣物喷雾供应，唔惊一阵烧肉味。