影片
更多
2017-08-15
1788 浏览
大家仲记得，之前嚟得快去得快嘅8号风球吗？𠮶日心血来潮，打电话嚟位于大角咀另一间抵食嘅酒店订「自助午餐」。100蚊加一嘅价钱，亦都系正常嘅坐两个半钟，我就觉得地方阔落，非常企理。讲到嘢食呢？近门口嘅就会见到一个大大嘅沙律区，菜之外嘅配料真系几多。煎熟咗边边嘅吞拿鱼系我配沙律菜首选，亦可以加烟肉碎， 或汉堡牛柳条都唔错，连酱汁都有好几款！青口亦都有，唯独是我觉得较细粒。除咗沙律隔离仲有两煲汤，中西各一款都系好掂档！(另一个角有鲜橙汁自己斟)再过少少就系熟食，包括有：「西冷牛扒」我食嘅比较韧，筋比较多「熏鱼」味道唔错，啖啖肉「小笼包」热食就一定正呀！跟住就要讲下，最钟意嘅炸嘢啦：「烧鸡」嫩滑之外加埋个酱汁，食咗好多嚿呀！壶汁系有暖炉喺底，保持温度更加正。当日我见佢盘烧鸡起码 refill 咗六次「炸鱼块，咖哩角，春卷」属正常，最紧要热，够脆，满分的。另外觉得几特别嘅就系，「杏仁茶」整得几出色，杏仁味恰当，可试「芒果布甸」甜品之中做得叫唔错「西米露」仲可以自己加啲生果(另外柜台开玻璃会见到雪糕，有三款)最后啦，以前就受欢迎，不过依家未必个个香港人都钟意。讲紧既系「三文鱼刺身」，细细碟质素都唔
讲到嘢食呢？近门口嘅就会见到一个大大嘅沙律区，菜之外嘅配料真系几多。煎熟咗边边嘅吞拿鱼系我配沙律菜首选，亦可以加烟肉碎， 或汉堡牛柳条都唔错，连酱汁都有好几款！青口亦都有，唯独是我觉得较细粒。除咗沙律隔离仲有两煲汤，中西各一款都系好掂档！(另一个角有鲜橙汁自己斟)
再过少少就系熟食，包括有：
「西冷牛扒」我食嘅比较韧，筋比较多
「熏鱼」味道唔错，啖啖肉
「小笼包」热食就一定正呀！
跟住就要讲下，最钟意嘅炸嘢啦：
「烧鸡」嫩滑之外加埋个酱汁，食咗好多嚿呀！壶汁系有暖炉喺底，保持温度更加正。当日我见佢盘烧鸡起码 refill 咗六次
「炸鱼块，咖哩角，春卷」属正常，最紧要热，够脆，满分的。
另外觉得几特别嘅就系，
「杏仁茶」整得几出色，杏仁味恰当，可试
「芒果布甸」甜品之中做得叫唔错
「西米露」仲可以自己加啲生果
(另外柜台开玻璃会见到雪糕，有三款)
最后啦，以前就受欢迎，不过依家未必个个香港人都钟意。讲紧既系「三文鱼刺身」，细细碟质素都唔错，都可以一试嘅。
总括嚟讲，呢餐自助餐都几舒服。另外仲见到张大圆枱，约埋一班朋友嚟都唔错㗎！至于点样嚟大角咀，可以睇返我之前一个自助餐评论。希望大家继续食尽大角咀！！
(唔知点解每次用手机打食评，网页上睇返都会一堆字黐埋冇格式， 手机app睇就冇事有分段，希望大家见谅)
烧鸡
70 浏览
0 赞好
0 留言
西冷牛扒
87 浏览
0 赞好
0 留言
烧鸡
60 浏览
0 赞好
0 留言
杏仁茶
56 浏览
0 赞好
0 留言
三文鱼刺身
76 浏览
0 赞好
0 留言
张贴
