Simply (已結業)

约左家姐去奥运站行街，行街先一定要填饱果肚，就去了美食林立的大角咀。行下行下见到有间新餐厅，以浅木色做主调，有简单明亮的感觉。 我地就简简单单拣左两款lunch set，每款套餐都包含是日餐汤或沙律，同埋冷热饮品。如果是日餐汤唔岩饮，仲可以加 $28 转做蟹肉龙虾汤。👍🏻👍🏻 沙律系蔬菜沙律🥗，蔬菜新鲜爽口，配埋日或麻酱，非常健康！而汤就加钱升级做蟹肉龙虾汤🦀🦞，质地偏浓稠，每啖都有超多蟹肉，味道浓郁惹味。（建议加钱升级，一试难忘😋😋） 🥩安格斯封门柳丼饭丼饭份量都几大，安格斯牛肉本身牛味浓郁，而且拣左封门柳尼个部位，肉质十分松软‼️一定要配埋香浓的蛋汁，拌用黎饭更加香滑 🔆全日早餐唔洗过百就食到份量十足的All Day Breakfast，我最爱的牛角包🥐香脆松软，牛油果🥑质地幼滑偏腍，好易入口。 🍰蛋糕我地仲嗌左纽约芝士蛋糕同Tiramisu，精致的摆盘岩晒打卡的我📸😍。Cheese Cake口感丰富厚实，而Tiramisu入口Creamy，仲有淡淡的咖啡香☕️。