聚椒

营业中

休息中

自从有一次宵夜食过花甲粉，我就深深爱上咗呢碗粉🤩正所谓花甲粉越食越上瘾😆同事知我好钟意食就带咗我去大角咀嘅「聚椒」，小店主打花甲粉、小锅米线、串烧、麻辣拌小食，每碗粉都可以根据自己嘅口味选择辣度、麻度同酸度，啱晒唔同口味嘅人士👍🏻珍珠带子花甲粉+猪软骨黎到梗系要点呢度招牌嘅花甲粉，我加咗珍珠带子同猪软骨，每碗花甲粉都包括豆卜、娃娃菜、金菇，再加上大量蒜蓉，汤底特别鲜甜，每粒花甲都处理得非常干净，完全冇沙，一碗大概有十几粒花甲，足料抵食👍🏻珍珠带子虽然细细粒，但店主比嘅份量十足，一样有十几粒，爽口又鲜味🉐猪软骨炆得软稔入味，非常好食紫菜四宝小窝米线同事点嘅小窝米线，上枱时亦都系砂煲原煲上，热辣辣香喷喷，四宝包括牛丸、墨鱼丸、贡丸、鱼片头，丸类口感弹牙，再加上酸菜、芽菜、韭菜，材料丰富，米线软滑稔身，酸酸辣辣嘅味道零舍开胃，冬天啱晒食返碗热腾腾嘅米线☺️汁捞牛柏叶牛柏叶爽口得黎又够稔，最适合用黎做凉拌菜式，我将牛柏叶加入蒜蓉麻辣汁，更加好食，惹味又清爽爆蒜麻辣皮蛋店家嘅麻辣汁超赞👍🏻又香又麻又辣，入口充满蒜香味，真系配咩食物都好食，推介🉐小店仲有多款招牌串烧，下次一定要试埋佢地🤤📍聚椒 (大