Restoran SAYA

营业中

休息中

嚟呢间餐厅食饭，系因为有一日喺openrice主页见到呢个广告，心谂米芝莲泰国菜都唔会平，但系睇睇个menu，都还可以，系中等价钱，但打著米芝莲旗号就去试试。喺openrice book咗位，7点钟店内都差唔多满座，我哋坐嘅系窗边高吧台，要排排坐望住窗口食饭。椰青 $58好熟，啲肉劲淋，都算香，但唔冻，只系室温，椰青够冻会比较好饮。泰北咖哩金面 $128听讲系招牌菜，叫翻个试吓。啲咖哩都几辣的，见到好大堆个啲系脆条，又或者系脆面？浸啲咖哩汁会好食啲，不过我哋觉得一般所以只食咗好少。面喺个堆洋葱下面，有一堆正常煮过浸住咖哩汁嘅面，样子同口感都似伊面，煮淋咗同埋浸住汁几入味，好食过脆面。旁边仲有一堆烧鸡扒，烧得几香唔错。炭烧猪颈肉 $138烧得唔够，偏淋，亦冇乜炭香味，都偏薄炭火烧牛肉 $208有十旧，份量都算ok都系烧得唔系好够，又唔系好热，有啲位比较难咬，同埋唔太浓牛味蟹肉奄列 $168呢个好似都算招牌菜，同埋其他餐厅比较少见。上菜个样几靓，入面唔算好多蟹肉或者好香蟹味，但都有的，呢旧奄列会食到好滞。