芋圓一 (已結業)

大角嘴良心手作芋圆店 — 芋圆一▫️呢间芋圆一都有好多人推介！系隔离街食完个burger见唔够饱就食埋个糖水先🤣呢间糖水舖除咗主打芋圆之外，仲有梳乎厘Pancake同埋雪花冰～▫️🥭爱民芒甘露芋圆($43)糖水底系芒果汁，配上芒果粒、西米同埋柚子，好似食得嘅杨枝甘露咁～呢度嘅芋圆系每日纯手工制作，唔知系咪因为沟咗芒果汁嘅关系，芋圆就冇咩芋头味，反而紫薯圆嘅味道就比较突出。而芋圆嘅食落就比较软淋，唔够烟韧。▫️🍓士多啤梨雪花冰($65)一嚟到都估唔到系咁大份！颜色都好靓！好pink pink！好少女心！🥰味道系士多啤梨乳酪味，唔单止出边有士多啤梨乳酪味，里便都有，每一啖都系有味道嘅，唔会好淡！而白玉都好好食！十分烟韧！好似系平价版嘅冰屋！🍧😍▫️地址：大角咀角祥街48号地舖。