Orange Elephant Thai Restaurant (利奧坊) (已結業)

一直都觉得同利奥坊好有缘，对上一次食居酒屋又喺呢度，再上一次食生酮汉堡都系呢度，明明住得远，今次都因为食泰国嘢过嚟，特登过嚟揾食~🐔 泰式烧鸡（半只）$128卖相已经好靓，而且外皮炸得香脆，鸡肉都结实同鲜嫩，配上甜酸酱食，别有一番风味，虽然略嫌烧鸡有啲多骨，但整体味道都唔错。🍳 蛋网海鲜金边粉 $94金边粉口感偏幼且淋身，唔似坊间嘅爽身，但整体味道都唔错，调味方面甜多过酸，配上各款海鲜例如鱼柳同鲜虾，食落味道甜甜酸酸几开胃，几惹味。🍍 原个菠萝海鲜焗饭 $108一嚟到见到个卖相已经吓亲，饭量都好多，而且好香，入面海鲜同样丰富，同样有鲜虾同鱼柳等海鲜，炒饭都炒得几香，几有颗粒感，有惊喜嘅系餐厅加咗腊肠喺焗饭入面，更能带出焗饭嘅甜味。🥭 芒果冰特饮 $36饮品面层有丰富嘅芒果切粒，而且饮落有甜甜嘅芒果沙冰，碎冰饮落比较滑身，味道就中规中矩。