影片
更多
2019-06-17
40 浏览
係大角嘴俾呢間仿機身嘅外牆吸引咗，上網睇呢間餐廳評價都唔錯就決定入嚟試下。佢哋好似飛機咁分唔同class，今次我哋就選咗Economy Class希臘沙律好健康，以醋同芝士調味。如果唔鐘意食沙律醬，呢度沙律係好選擇。前菜係燒西班牙豬腩肉，皮好脆，中間肥豬肉熱辣辣、軟腍腍，點埋醬一啖擺落口，好味、滿足。不過食完個口會好油膩，記得飲水同抹口。食完咁邪惡嘅前菜，呢個餐湯好適合清清味蕾預備食接下來嘅主菜，飲落去好清，簡簡單單用忌廉薯仔、椰菜花。味道唔太濃。主菜係燒西班牙黑毛豬胺，黑毛豬一啖咬落去好有嚼勁，外皮都好脆，正👍🏻。外面食嘅時候我冇點汁，食返佢原有嘅味道。中間比較乾身就宜點汁，醬汁唔濃唔會蓋過肉嘅味道，兩者係味道同口感互相配合👍🏻另外薯仔焗得都好好，中間加上辣粉，味道似熱浪🤣蒜片辣椒海蜆意粉，蜆好脹卜卜好大隻，一共有七隻，食落去冇沙，抵讚👍🏻👍🏻意粉入面有蒜片、白酒、辣椒，每一樣都係好濃味嘅調味料，廚師落嘅份量唔會偏重任何一邊，做到平衡嘅效果。簡單嘅調味料煮出不簡單嘅味道。最後就嚟甜品，焦糖燉蛋入面嘅蛋好滑，一食就會滑到入喉嚨，味道唔太甜，好適合我，不過焦糖略嫌整得較厚，影響口感，如果
佢哋好似飛機咁分唔同class，今次我哋就選咗Economy Class
希臘沙律好健康，以醋同芝士調味。如果唔鐘意食沙律醬，呢度沙律係好選擇。
前菜係燒西班牙豬腩肉，皮好脆，中間肥豬肉熱辣辣、軟腍腍，點埋醬一啖擺落口，好味、滿足。不過食完個口會好油膩，記得飲水同抹口。
食完咁邪惡嘅前菜，呢個餐湯好適合清清味蕾預備食接下來嘅主菜，飲落去好清，簡簡單單用忌廉薯仔、椰菜花。味道唔太濃。
主菜係燒西班牙黑毛豬胺，黑毛豬一啖咬落去好有嚼勁，外皮都好脆，正👍🏻。外面食嘅時候我冇點汁，食返佢原有嘅味道。中間比較乾身就宜點汁，醬汁唔濃唔會蓋過肉嘅味道，兩者係味道同口感互相配合👍🏻另外薯仔焗得都好好，中間加上辣粉，味道似熱浪🤣
蒜片辣椒海蜆意粉，蜆好脹卜卜好大隻，一共有七隻，食落去冇沙，抵讚👍🏻👍🏻意粉入面有蒜片、白酒、辣椒，每一樣都係好濃味嘅調味料，廚師落嘅份量唔會偏重任何一邊，做到平衡嘅效果。簡單嘅調味料煮出不簡單嘅味道。
最後就嚟甜品，焦糖燉蛋入面嘅蛋好滑，一食就會滑到入喉嚨，味道唔太甜，好適合我，不過焦糖略嫌整得較厚，影響口感，如果整得薄啲就更完美🤤
估唔到唔搭飛機都食到高質嘅飛機餐，下次會再來😋
张贴
