影片
更多
2009-02-23
227 浏览
首先重申，依家个价系13蚊单拼18蚊双拼，油菜同汽水依然系6蚊。行过见到好多陈年报导，讲当年钖记只系10-11蚊左右一碗面，噢，咁陈年o既野还不如亲自一试，系咪？点左牛筋拼云吞河，当时师傅正直食饭时间，不过都上得几快。服务态度良好，要多葱就真系多葱，要点野要收钱亦即刻起身做野，而且个个阿姐都好好笑容。云吞无报导讲到咁夸张"有乒乓波咁大"，尽管如此，要o系里面揾一只爽口o既虾都系有o既，亦唔算细粒（当然，比佢更大粒o既我都食过，之不过13蚊一碗唔可以太高要求）。牛筋煮得o岩o岩好，"林"身又未至于入口即化，但系腩汁太浓味唔系个个都o岩食。我自己无叫到油菜，睇对面个食客碗芥兰都算嫩绿，6蚊值唔值就因人而异喇。PS: 唔知道呢间算唔算老店啦，呢个年代仲可以见到瓷匙瓷碗木筷子都算系奇景之一。
行过见到好多陈年报导，讲当年钖记只系10-11蚊左右一碗面，噢，咁陈年o既野还不如亲自一试，系咪？
点左牛筋拼云吞河，当时师傅正直食饭时间，不过都上得几快。服务态度良好，要多葱就真系多葱，要点野要收钱亦即刻起身做野，而且个个阿姐都好好笑容。云吞无报导讲到咁夸张"有乒乓波咁大"，尽管如此，要o系里面揾一只爽口o既虾都系有o既，亦唔算细粒（当然，比佢更大粒o既我都食过，之不过13蚊一碗唔可以太高要求）。牛筋煮得o岩o岩好，"林"身又未至于入口即化，但系腩汁太浓味唔系个个都o岩食。
我自己无叫到油菜，睇对面个食客碗芥兰都算嫩绿，6蚊值唔值就因人而异喇。
PS: 唔知道呢间算唔算老店啦，呢个年代仲可以见到瓷匙瓷碗木筷子都算系奇景之一。
张贴