影片
更多
2007-04-20
19 浏览
酱醋骨攦粉，廿蚊。都要等一阵，卖相唔系特别吸引，起筷，食过至真。成世人其实最怕食濑粉，因为筷子夹唔稳，弹湿自己块面最多用纸巾，弹到隔离人家就好无瘾，所以次次食濑粉，食食下都用匙羮，食到全枱转晒人，我都仲食紧。攦粉就唔会咁，几有米味，弹牙无过腍。骨有四旧，旧旧都瘦，你可以话佢略韧，又可以话佢有口感（我话：瘦呢，就系咁。）。味道冇咩惊喜，稍甜而略欠醋味，因为我忍唔住将佢同我阿妈整o既镇江骨比，算佢不幸。除咗骨外，仲有生菜同菇做陪衬。汤底比ｄ骨整到甜甜地，我ｏｋ，但阿妈唔惯，佢话早知叫佢分开比。试埋炸鲮鱼球，刚炸起，热到辣口，几弹牙，附蚬蚧一小碟，都ｏｋ。仲叫萝卜、芋头、桂花糕，每件四皮。谂唔到，阿姐拎嚟，咸还咸一碟，甜o既分开嚟。喜见萝卜丝又多又大条，粉相对少比，啱我哋，如果少ｄ胡椒粉会仲啱口味；芋头粒多，硬硬地；桂花糕香甜，也ｏｋ。不过有ｄ奇，糕同碟都热热地，但系糕面唔油腻，唔通番叮嚟？
成世人其实最怕食濑粉，因为筷子夹唔稳，弹湿自己块面最多用纸巾，弹到隔离人家就好无瘾，所以次次食濑粉，食食下都用匙羮，食到全枱转晒人，我都仲食紧。
攦粉就唔会咁，几有米味，弹牙无过腍。骨有四旧，旧旧都瘦，你可以话佢略韧，又可以话佢有口感（我话：瘦呢，就系咁。）。味道冇咩惊喜，稍甜而略欠醋味，因为我忍唔住将佢同我阿妈整o既镇江骨比，算佢不幸。除咗骨外，仲有生菜同菇做陪衬。汤底比ｄ骨整到甜甜地，我ｏｋ，但阿妈唔惯，佢话早知叫佢分开比。
试埋炸鲮鱼球，刚炸起，热到辣口，几弹牙，附蚬蚧一小碟，都ｏｋ。仲叫萝卜、芋头、桂花糕，每件四皮。谂唔到，阿姐拎嚟，咸还咸一碟，甜o既分开嚟。喜见萝卜丝又多又大条，粉相对少比，啱我哋，如果少ｄ胡椒粉会仲啱口味；芋头粒多，硬硬地；桂花糕香甜，也ｏｋ。不过有ｄ奇，糕同碟都热热地，但系糕面唔油腻，唔通番叮嚟？
张贴
